鵝皇館 (Closed)

今日去左鵝皇館食晚飯餐廳地方好大而且餐廳既枱都好多，好闊落裝修佈局係好傳統既，值得一讚既係燒味放正喺門口，行過係好吸引既，我就係被哩樣吸引左啦餐廳係主力食燒味既，仲有啲兩餸飯選擇添我當然係食燒味啦嗌左「乳豬飯」同「黃袍加身叉燒飯」「乳豬飯」既乳豬都幾多下，好抵食呀，乳豬皮好脆身，好香口，皮下面既脂肪都好厚鍾意香口食物既朋友應該會好鍾意，愈多肥膏就愈鐘意😋😋而且仲有嫩嫩既乳豬肉配埋絲苗米，啲飯煮得好好，要讚下「黃袍加身叉燒飯」就令人有所失望，因為主力嘅炒蛋太老身，而且份量唔多，有啲hea，做唔到黃袍加身既感覺不過叉燒係燒得唔錯既，半肥瘦而且都叫份量多飲品就嗌左熱同凍奶茶各一杯，奶茶好有茶味，奶既比例都唔錯，我唔太鍾意飲甜既，哩度既落糖分量係okay既，所以奶茶合格！如果鍾意食燒品既朋友可以試下佢地既鵝皇飯，我見好多其他顧客都差唔多必嗌