Video
Read full review
2018-06-14
73 views
馬鞍山一向都是被稱為美食沙漠，所以我們作為馬鞍山友真的要常常跳出隔離區去覓食今次唔洗跳好遠，只需要搭多幾個站到石門就得了是日同我的神隊友-- 我家奶奶 慶祝母親節，雖然之前母親節已經whole family食左飯，今次就係我地兩婆媳撐枱腳奶奶對我地照顧有加，有時候等佢休息一日，出街輕輕鬆鬆食餐飯同奶奶出去食飯我通常都會揀食西餐，因為屋企煮唔到加上奶奶鍾意食龍蝦，所以見到這間cyprium cafe有一道 "芝士焗龍蝦意大利飯"，於是便叠埋心水來這裡了餐廳好容易搵，沿扶手電梯一上就見到門口展示了不同的餐牌，發現原來還有有kids menu，下次可以帶埋老公同阿B來呢! (因為我見餐廳有BB椅提供，算是kids-friendly)餐廳內部寬敞，座椅多是ARM CHAIR，坐得十分舒適餐廳的Menu 封面以黑底燙金字，簡潔而高雅，內附各款食品的相片，挑起我們的胃口脆皮蜜糖燒豬手，這個應該啱我老公餐具統一的為古銅色並印有餐廳的名字，用心得來又有特色，連咖啡的攪拌匙也沒有被遺忘細心的更會發現餐具顏色是與餐牌字體的顏色是互相呼應Dinner Set Menu 挺划算，由$98起，正如我想食的芝士焗
今次唔洗跳好遠，只需要搭多幾個站到石門就得了
是日同我的神隊友-- 我家奶奶 慶祝母親節，
雖然之前母親節已經whole family食左飯，今次就係我地兩婆媳撐枱腳
奶奶對我地照顧有加，有時候等佢休息一日，
出街輕輕鬆鬆食餐飯
同奶奶出去食飯我通常都會揀食西餐，因為屋企煮唔到
加上奶奶鍾意食龍蝦，所以見到這間cyprium cafe有一道 "芝士焗龍蝦意大利飯"，
於是便叠埋心水來這裡了
餐廳好容易搵，沿扶手電梯一上就見到
門口展示了不同的餐牌，
發現原來還有有kids menu，
下次可以帶埋老公同阿B來呢! (因為我見餐廳有BB椅提供，算是kids-friendly)
餐廳內部寬敞，座椅多是ARM CHAIR，坐得十分舒適
餐廳的Menu 封面以黑底燙金字，簡潔而高雅，
內附各款食品的相片，挑起我們的胃口
脆皮蜜糖燒豬手，這個應該啱我老公
餐具統一的為古銅色並印有餐廳的名字，用心得來又有特色，
連咖啡的攪拌匙也沒有被遺忘
細心的更會發現餐具顏色是與餐牌字體的顏色是互相呼應
Dinner Set Menu 挺划算，由$98起，
正如我想食的芝士焗龍蝦意大利飯，散點MENU已經係$168，
叫餐都係$168，便有埋湯及飲品
二人餐都好吸引，不過可惜冇我想點的龍蝦飯，
所以我們各人算了一個Dinner Set，試唔到個扒大蝦芒果沙律添
餐包通常餐廳第一道送給客人的食品，但又最易被忽略的一環
提供了兩款餐包，已經先行烘暖再呈上，盡顯細心
多士款脆而鬆化，
而圓餐包質地鬆軟，口感緻密，
其黑糖香味濃郁，甜而不膩，為這餐已經加了不少分數
我們一人選了餐湯，一人則選了沙律
是日餐湯是南瓜忌廉湯
質地微稠，隱約可以南瓜蓉及其纖維，
入口清甜香滑
沙律則以黑醋汁作source，酸酸地十分清新又開胃
店員見到我們享用完沙律後，主動詢問及後會否share主菜，為我們更換新碟子
芝士焗龍蝦(半隻)意大利飯
龍蝦是開邊的波士頓龍蝦，在龍蝦肉上加上芝士饀，
焗至微帶金黃色，芝香撲鼻
龍蝦肉大大梳，也有不少蝦膏
龍蝦的螫位也有不少肉，不過因為是焗的關係，稍稍乾了一點
意大利飯煮得軟硬適中，吸收了高湯的味道，
配以香濃的忌廉汁，與口感爽脆的野菌十分配合
扒美國安格斯西冷牛扒伴黑椒汁
以前不懂西餐的智識，不知原來牛扒的熟度只分了5級，
即1、3、5、7成及全熟，會盲中中叫6成或8成，
而家總算不會失禮的叫6成
不過有一個美食達人知我唔係食得太生，佢提供了一個小竅門給我
如果餐廳是用鐵板上，點5成，如是用碟上，則點7成
餐廳說是用碟上，所以點了7成
牛扒份量不俗，厚度約有半吋厚
切開呈現出美美的淡粉紅色，
7 成熟對我來說是最適合的熟度，
口感柔軟有肉汁，又不會太生而帶腥
牛扒已用黑椒及鹽輕微調味，不需點任何黑椒汁已經很美味
配菜的焗薯仔也一樣有驚喜
薯仔加了一小撮的香草來焗，
薄鹽味加上香草，為本身已經清甜的焗薯更添美味
餐飲方面，我當然要會點咖啡
而奶奶則選了熱朱古力(+$8)，
沒想到熱朱古力也有靚靚拉花
晚餐埋單每人不用$200，食物美味又坐得舒服
我以往唯一會來石門的機會通常都係要拎架車來年檢，
今次之後，我唸又會多一個原因來石門
Other Info. :
很喜歡menu上所寫的"輕鬆 簡單 享受生活"，這也是我很嚮往的生活態度
(The above review is the personal opinion of a user which does not represent OpenRice's point of view.)
Post
