Video
Read full review
2025-02-28
0 views
「SOYmart by 豆乳狂人」主打豆乳、豆花、豆乳雪糕、粢飯、木棉豆腐、MINI豆卜、炸脆雞等咸甜小食，短短兩年幾已經發展得好快，喺荃灣、樂富、沙田、黃大仙、將軍澳都有分店，人氣勁旺，特別受年輕人歡迎。佢哋用咗日本熟漿蒸煮技術，將黃豆打碎後，連埋豆渣一齊煮，之後先至過濾。咁樣可以保留到更多黃豆精華，令豆乳更加濃郁，豆味更突出，飲落口感更豐富。今次踩完單車，當然要去沙田河畔花園分店掃街醫肚啦！黃金脆脆豆乳茶 ($50)呢杯豆乳茶係用烏龍茶加豆乳，味道香濃，而且仲有珍珠、芋圓、小丸子，口感超豐富！再加埋流心奶蓋，超Creamy，頂層仲鋪滿咸蛋黃脆脆，邪惡到不得了～奶蓋布丁燒仙草 ($38)以濃濃豆乳做底，加上咸香奶蓋，再配埋滑溜溜嘅仙草同布丁，清涼又好味，特別啱夏天飲！椒鹽炸豆腐 ($28)即叫即炸，拎上手仲熱辣辣！自家出品嘅綿滑絹豆腐切粒再炸，外皮金黃香脆，內裡嫩滑，撒上椒鹽，一啖一粒，香脆惹味，忍唔住一粒接一粒！海苔肉鬆炸豆腐 ($38) 炸豆腐外脆內嫩，加上海苔肉鬆，咸甜夾雜，一口一粒，好邪惡！和風七味炸脆雞 ($40)炸雞夠香脆，但又唔會太油膩，灑上七味粉，帶少少微辣，口感更香
「SOYmart by 豆乳狂人」主打豆乳、豆花、豆乳雪糕、粢飯、木棉豆腐、MINI豆卜、炸脆雞等咸甜小食，短短兩年幾已經發展得好快，喺荃灣、樂富、沙田、黃大仙、將軍澳都有分店，人氣勁旺，特別受年輕人歡迎。
佢哋用咗日本熟漿蒸煮技術，將黃豆打碎後，連埋豆渣一齊煮，之後先至過濾。咁樣可以保留到更多黃豆精華，令豆乳更加濃郁，豆味更突出，飲落口感更豐富。
今次踩完單車，當然要去沙田河畔花園分店掃街醫肚啦！黃
金脆脆豆乳茶 ($50)呢杯豆乳茶係用烏龍茶加豆乳，味道香濃，而且仲有珍珠、芋圓、小丸子，口感超豐富！再加埋流心奶蓋，超Creamy，頂層仲鋪滿咸蛋黃脆脆，邪惡到不得了～
奶蓋布丁燒仙草 ($38)以濃濃豆乳做底，加上咸香奶蓋，再配埋滑溜溜嘅仙草同布丁，清涼又好味，特別啱夏天飲！
椒鹽炸豆腐 ($28)即叫即炸，拎上手仲熱辣辣！自家出品嘅綿滑絹豆腐切粒再炸，外皮金黃香脆，內裡嫩滑，撒上椒鹽，一啖一粒，香脆惹味，忍唔住一粒接一粒！
海苔肉鬆炸豆腐 ($38) 炸豆腐外脆內嫩，加上海苔肉鬆，咸甜夾雜，一口一粒，好邪惡！
和風七味炸脆雞 ($40)炸雞夠香脆，但又唔會太油膩，灑上七味粉，帶少少微辣，口感更香口。
吉列豬扒粢蛋飯 ($38) 呢度啲粢飯都係必試之選！呢款粢飯超足料，炸到香脆嘅吉列豬扒，加埋玉子、油條、肉鬆、榨菜、青瓜絲，一啖咬落去，層次超豐富，食完即刻有滿足感！
牛油果吉列蝦青瓜絲粢飯 ($42)炸蝦夠大隻，炸得香脆，加埋綿滑牛油果，味道更加鮮甜。外層糯米煙韌唔會太硬，青瓜絲爽口，整體食落清新唔油膩，啱晒同朋友Share住食！
黑白芝麻豆花 ($28)豆花口感細滑，健康又好味，鍾意食豆品嘅朋友一定要試試！
Post
