吉祥酒莊

Open Now

Now Closed

今次同幾位朋友一齊叫咗600蚊一set嘅私房菜，因為廚房就喺座位隔離，你可以一直見到老闆好有心機咁樣喺度煮，食到差唔多先至再上另一個course，成個節奏都好慢活嘅感覺。終於搵到間餐廳，唔使幾千蚊一個人頭，先至可以食個飯唔洗趕頭趕命 😭每個course 其實都係跟人頭去預分量嘅，可能因為我哋幾個女仔，去到後面第5個course 已經開始飽，不過最後嘅蛋白杏仁卷真係好好食😍，女人果然係有兩個胃。環境雖小，但係我哋坐梳化位坐得好舒服，而且我哋仲帶咗幾支紅、白酒去飲，係免收開瓶費嘅，當然佢哋果到都有唔少靚酒㗎，係真係9成都靚酒莊（唔太貴，afford到的入門級別），識飲飲開，去到見到就會明☺️。到10點幾，我哋食完繼續喺度飲，老闆都冇催我哋或者趕我哋走，仲同我哋傾計，依個態度值得加分👍❤️，令客人覺得舒服同埋賓至如歸，有家嘅感覺，我覺得係每一個私房菜都應該學習嘅地方。