十六座車仔麵 (Closed)

黎16座食車仔麵，覺得平定貴？因為料足好味，40幾蚊碗都算合理﹗平時係屋村攤檔食，的確係冇咁貴，不過呢到夠光猛，位子多，又有上下兩層，無論幾多人黎食都冇間題，1個人亦有bar位坐，唔洗望住對面「臉阻阻」。今次我揀完餸先發現，全部都滷水，但呢到係出名而且滷水好好味﹗首先雞翼如圖片睇，唔會好瘦好奀，肉質嫰，滷水入味。而流心雞蛋緊加唔洗講，次次食都好有水準，流心之餘滲透淡淡滷水甜味，食落令人超幸福。而豆腐都俾得幾多舊，物有所值，最啱中意多汁索湯既朋友仔，吸湯力超強﹗唯一就係最低消費要揀三餸，相對細食既人就可能麻煩少少。