小排檔懷舊車仔麵 (Closed)

今日經過一間店鋪細小，地方整潔，有懷舊風味嘅車仔麵鋪，我就入內試下，我左看右看吓，叫左六寶麵加咖哩汁配河粉。店員推介我食豬手，其實我對豬手感覺麻麻地，因為好似好肥咁，不過係店長推介下，又不仿試吓。40元有6個餸加麵超低，無咩地方食到，味道唔錯，咖哩味夠辣，河粉幼滑，魚蛋、腩肉，豬耳，冬菇都好好食。店長推介嘅豬手，食完令我對豬手感覺改觀曬，表面果層不肥膩，仲爽口，肉質有口感。真係介紹無錯，下次再食。我飲左瑪卡蜜，呢個飲品唔係周圍都可以飲到，味道唔錯，甜甜地。有消除疲勞作用。適合我容易疲倦嘅人飲，好過飲咖啡健康D。