超級無敵車仔麵

Open Now

Now Closed

呢間超級無敵車仔麵成日有人排住隊，今晚一個人來試一試堂食，好彩7點冇乜人堂食，間店膊撞膞勉強坐到10個人。兩餸$27、三餸$34、四餸$40，有啲配料要另外加錢，但整體都算合理。今晚食瀨粉配豆卜、生菜、冬菇和鹵腩肉，加了沙嗲汁。瀨粉幾彈牙，淥得剛好，不過份量都偏少，晚餐唔夠喉。豆卜好吸湯汁，正過坊間豆卜！不過鹵腩肉減分，又硬又不香，應該放得太久了。冬菇和生菜正常水準。湯底不算太咸，但很普通，未算好吸引，沙嗲汁都不夠濃，要落好多才入味。坐的環境幾不舒服，另外湯匙要問先有，不太方便食客。