十六座車仔麵

Open Now

Now Closed

太子有好多餐廳，中西日韓乜都有，有時真係花多眼亂。呢晚冇乜特別，就揀左間平平常常既車仔麵檔食。餐牌如下，一般車仔麵檔既野食都有得揀。招牌菜有金沙青，蝴蝶腩，燕餃等等。順帶一提，叫四個餸，飲品半價。我個人好鍾意食飯，一於搞搞新意思，係車仔麵檔叫飯食！我叫左湯飯，菜，蝴蝶腩，雞翼同冬菇。有得加辣汁同鹵水汁，我唔係好食得辣，就加左鹵汁算。菜份量少左D，雞翼幾入味，蝴蝶腩都ok不過比較韌，最出色係個冬菇，好入味同埋口感好好。半價加豆漿。總結就平平常常啦，不過埋單都成57蚊，車仔麵黎講有D貴。