蟹仙海鮮蒸氣鍋 (Closed)

本來諗住同蝦子餅去食鍋心，點知去到話要BOOK位，喺OP搵到蟹仙，都係食蒸海鮮粥底鍋，又去踩踩點當晚都差唔多10:00，得返2、3枱客，服務態度都算唔錯，佢有幾個價錢選擇，我哋揀咗$398/位個餐，先黎瀕尿蝦都算大隻、好新鮮同埋有膏蒸完後仲要幫我哋剪開起肉，啖啖肉超正﹗之後就到蟹、龍蝦、鮑魚、蝦、蠔、魚、貝、同菜籃，大致上都好新鮮，最後食埋個粥勁鮮甜，初時我哋都驚唔夠飽，點知食埋個粥就抱住個肚走。