hier.

Open Now

Now Closed

weekend得閒冇嘢做，周圍搵吓啲靚靚嘅咖啡店打卡影吓相，過休閒嘅下晝係一個好選擇。所以就嚟到呢一間位於轉角嘅小咖啡店，呢度嘅裝飾好有心思，圖案夠晒創意盞鬼，啱晒打工仔嘅我。因為我都比較遲嚟，原本想試佢其他沙律，不過好多都已經賣晒，所以唯有叫個蘋果鴨胸沙律，仲叫咗個藍莓乳酪bagel， Ham and cheese croissant，同埋一個蕃茄肉醬焗薯，竟然有開心果latte同埋呢個香橙Americano ，梗係要試吓。呢個蘋果鴨胸沙律好有驚喜，上面嘅黑醋唔會太酸，都唔會太韌，咬落去好香再加埋蘋果酸酸地甜甜地配合得一流啊。另外呢度嘅Bakery都係用享樂烘焙嘅出品麵包，品質梗係有保證。呢一個火腿芝士牛角包上面嘅芝士會焗到溶溶地，再加埋薄薄地一塊火腿，牛角包夠晒鬆軟咬落去外皮夠脆，好正。呢個藍莓芝士bagel真係幾好食，因為佢食落去外脆內軟😌真係好似新鮮焗出嚟咁呀。我覺得呢個開心果latte😙真係將所有嘢升華咗去另一個層次，開心果嘅味道非常之濃郁，面頭仲加埋一個心心奶泡，老細話佢哋係受歡迎嘢飲，果然名不虛傳，飲過返尋味🤓好多嘢食都喺午膳嘅時候食晒啦，下次早啲過嚟再食啦。