BEL CIBO Seafood Bar & Restaurant (Closed)

同親愛的睇8點幾既戲之前想食小小野，於是上去新興既H8睇下，呢間門口多明星合照，小市民心態既我地就入左嚟試試，見到個「小食摩天輪」（$148加一）係幾過癮、又香，於是叫左一個。成個摩天輪上枱係幾壯觀（同扼like)。五個籃都裝左小食--雞翼-肉嫩同算大隻。炸蝦餃子-中規中矩。芝士炸丸子-爆芝士漿得嚟丸子彈牙。八瓜魚丸-食到有八瓜魚粒，亦彈牙。配3種特別醬汁：wasabi tata sauce, 泰式蝦醬, 千島醬。點醬食真係味道更佳！2個人食完其實都飽，店員都幾好服務同有禮貌。