歡喜燒 (Closed)

女友嚷着要去BBQ, 但限聚令依然持續。為滿足佢對燒烤慾望，就搵左觀塘歡喜燒同佢HAPPY FIRDAY. 歡喜燒是自轉串燒BBQ，方便放晒落去就食得。星期五黃金時反收費238任食2小時~ 如果星期一至四就送多一小時。任飲飲品方面唔算好多, 基本罐裝汽水或紙包飲品都有供應。COCO BERRY雪糕及雪條都係任食。最愛都係巨峰紙包。餐廳的串燒種類款式算多，預先串好一串串以自助形式任取‧(蔬菜、丸腸、肉類)另外一邊亦設有熟食區自取，特別還有海鮮粥，小甜品同西瓜。除左有食物吧可以領取食物外，還有4張放題紙(主食及蔬菜、炸物、小食及台式甜品)菜是即炒，有3款。兩人更奉送 原條燒茄子～雞翼是單骨，方便快熟。另外必食叉燒、羊肉、牛肉、燒賣、午餐肉、燒菠蘿同燒棉花糖。回本位是有自選台式甜品任食，可以整自己口味的芋圓仙草，芋泥大大份幾綿滑又唔會太甜，芋圓幾煙韌大滿足。另叫了牛奶冰沙，黑糖水晶口感幾特別。 整個體驗不錯，價錢少貴，下次想再去食午市就實惠好多。