咖啡弄 (Closed)

Weekend喺附近行行下街落大雨，行左入黎避雨，但見倒D野食幾吸引就行左上去。可能因為落下天，人唔係太多，好快有位。海鹽焦糖拿鐵：個海鹽焦糖個份量原來係自己加落去，所以甜度同味道都可以調較。總匯三文治 ：類似公司三文治，有蕃茄、生菜、青瓜，仲有一層有蛋、火腿、雞肉。再加埋墨西哥脆片同沙律，超級大滿足，又抵食!墨爾本龍蝦堡 ：呢度嘅必試推介，面包好鬆軟而且龍蝦都夠鮮甜。再加埋少少沙律菜喺隔離就好Perfect!繽紛莓果熱蛋糕：賣相好吸引，但味道好普通，完全無特別，唔建議!原味鬆餅：鬆餅本身都好香好鬆軟，不過呢個係原味鬆餅，所以個醬無咩特別，我建議可以揀過其他味道。