富士山 (Closed)

社交距離就來實施之際，最後沖刺來到銅記的『富士山』，其實呢間舖頭都做得好足，枱與枱之間都有一定距離，唔會太擠迫，好似本身都好符合政府要求喎，好嘢，即係幾時來都得。首先嗌咗個與店名同名嘅『富士山丼』，材料豐富，有三文魚，三文魚籽，吞拿魚，北寄貝，魷魚，熟蝦，牡丹蝦，油甘魚，仲有海膽，真係包羅萬有，滿足晒我哋的需要。『蟹肉蟹膏甲羅燒』，上枱時有爐『慶』住，爐火熄時亦正好熟咗，撈埋蟹肉蟹膏，抹係跟餐的多士上，好味。『清酒煮蜆紙鍋』，蜆好大隻，加埋清酒係絕配，好清甜。『鳕魚片』係朋友鍾意的食物，不會太硬，因此我爭埋一份。『鹽燒BB甘薯』就係我嘅至愛，好軟熟，一啖一個啱啱好，又點會令我失望呢。