Video
Read full review
2022-05-13
224 views
好少去尖沙咀海港城購物/午餐，趁着信用卡推廣，決定一試西班牙風乾火腿專門店午餐。定食午餐$150好抵食，但缺乏風乾火腿。點都好算抵食，都係叫返一份，頭及主盤3揀1，最後點了頭盤幾片肉腸片，火腿白汁手制通粉，加雪糕，咖啡。坐低係海港城商場內，通粉烹飪味道唔係太creamy算好味！Tapas，餐牌上並未展示得很吸引，不同6-8款都係放在白圓碟上，睇唔到食品靚靚賣樣，只點了西班牙青椒Padtron Peppers, 其他放棄了。煎青椒出嚟樣一般，小小鮮椒味。來這裡目的，都係散叫了一份有4隻不同風乾火腿跟芝士。唔同月份36-60（唔係好記得)嘅風乾火腿。肉質油潤都不錯，味道亦可以，仲配3種唔同芝士，值得試！后來再看看歺牌，散叫某一種唔同月份火腿，每款價錢係差唔多：每克$5-7。我對風乾火腿不太懂，想知多啲，問點理解味道差異，服務員幽我了一默，答道：長啲和短啲風乾時間一樣價錢，唔緊要啦，客人開心就得。被窒到了，我唔識怎再問清楚。整體上，輕鬆食吓野氣氛可以，埋單價錢合理適中！食個普通午餐，地方就腳，食品okay，夠理由幫襯了！還有，餐酒蠻多選擇，應該配一下，肯定一番滋味。個人意見：畢竟小食吧，都係
定食午餐$150好抵食，但缺乏風乾火腿。點都好算抵食，都係叫返一份，頭及主盤3揀1，最後點了頭盤幾片肉腸片，火腿白汁手制通粉，加雪糕，咖啡。坐低係海港城商場內，通粉烹飪味道唔係太creamy算好味！
Tapas，餐牌上並未展示得很吸引，不同6-8款都係放在白圓碟上，睇唔到食品靚靚賣樣，只點了西班牙青椒Padtron Peppers, 其他放棄了。煎青椒出嚟樣一般，小小鮮椒味。
來這裡目的，都係散叫了一份有4隻不同風乾火腿跟芝士。唔同月份36-60（唔係好記得)嘅風乾火腿。肉質油潤都不錯，味道亦可以，仲配3種唔同芝士，值得試！后來再看看歺牌，散叫某一種唔同月份火腿，每款價錢係差唔多：每克$5-7。我對風乾火腿不太懂，想知多啲，問點理解味道差異，服務員幽我了一默，答道：長啲和短啲風乾時間一樣價錢，唔緊要啦，客人開心就得。被窒到了，我唔識怎再問清楚。
整體上，輕鬆食吓野氣氛可以，埋單價錢合理適中！食個普通午餐，地方就腳，食品okay，夠理由幫襯了！還有，餐酒蠻多選擇，應該配一下，肯定一番滋味。
個人意見：畢竟小食吧，都係專門店。可能西班牙風乾火腿在香港已深入民間，超市都多選擇，不再追求什麼，這間專門店，經營了好一段時間，應酬吓市場需求，食品、服務有點停留在幾年前。個人覺得嘥咗專門店概念，可以提升一下，以各種風乾火腿特殊味道、服務態度來引誘喜愛即埸吃風乾火腿的食客。
其實，餐牌上有黑毛豬扒包，已經是一個嘗試，下次和朋友再去一定會叫來試試。
Post