一本‧串里 (Closed)

我同朋友兩個去開荃灣一齊午餐，見到呢間日本嘢好似幾好就去試下。午餐時間有各種嘅定食，我哋一人嗌咗一set另外仲單點咗其他嘢食。🥢首先講下啲單點嘢食先，🦐珍寶赤蝦刺身就啱曬啲鍾意食蝦嘅人士，可以見到佢嘅蝦肉真係好大舊，新鮮就更加唔話得。另外鍾意食🦪生蠔嘅人，都可以喺呢度食到佢哋嘅新鮮生蠔架。🍱講返我哋嘅主食，🐟雜錦魚生丼🍥可以話係滿足我想食唔同魚生嘅慾望，塊塊都新鮮厚切。好鍾意佢個帶子，食落去感覺真係純淨甘甜。鍾意食熟嘅話呢就可以試下🔥鹽燒鯖魚定食🐟，條魚都好大條㗎，而且又唔會特別鹹，撈飯食都幾唔錯。