California Pizza Kitchen (Closed)

嗰日去Popocorn玩聖誕主題嘅活動，冇乜特別search過將軍澳有咩好野食，經過見到California Pizza Kitchen冇人(原來係啲人坐曬喺入面)就入左去喇~我地坐近窗邊，環境燈光微暗，其實都幾好feel，尤其見住隔離枱一對夫妻邊飲紅酒邊傾計，感覺輕鬆愉快😗。嗌左一個二人dinner set，上菜速度還好，最意想不到嘅係個前菜出乎意料地好食😛落單前睇菜名 --熱情果xx蛋卷，因為自己本身唔鐘意食熱情果，覺得一定唔好食🙈但係配埋沙律醬/千島醬，味道好rich👍🏿主菜反而一般，去到邊都食carbonara嘅我當然嗌左個carbonara la🤔不過賣相唔靚不特止，望落好乾，食落真係仲乾，煙肉好硬好難咬，最敗筆嘅位係竟然用青豆配carbonara👎🏿太差👎🏿👎🏿👎🏿另外一個主菜當然係pizza la(因為事隔個幾月，真係唔記得叫咩名喇)，點左厚pizza，但都比較薄身同乾，味道辣辣地幾得意，但因為太乾，最尾真係食唔落😕總括而言，一個字已經可以形容啲食物 -- 乾！好難入口，呢個價錢可以去幫襯其他西餐廳😵🤔