Video
Read full review
2020-07-21
67 views
一般去「歎茶」或者「歎返一盅兩件」，都係去中式酒樓飲茶食點心。 而一般中式酒樓人聲鼎沸、環境擠迫，人多時仲要搭枱，感覺好唔自在，同「歎」嘅感覺有落差。今日就去咗【星•68】感受真正歎茶喇，【星•68】喺中環萬宜大廈萬宜廊，要喺萬宜廊外面停車場側邊入。裝潢係中西合璧風格，中式老店嘅地板瓷磚、藤椅、水墨畫風嘅碗碟；西式嘅吊燈、掛畫、金色配藍色嘅筷子匙羹。地方寬敞，枱與枱之間有足夠空間。整體感覺雅致又新潮，冇中式酒樓嗰種壓迫感。再加有鑊氣嘅open kitchen，非常乾凈整潔，食得放心，真係feel到真正嘅「歎茶」。感覺滿分，但食物先係最重要一環。坐低先叫壺茶，原來茶連西式茶都有得揀，我哋叫咗【伯爵茶】，食中式點心飲西式茶真係第一次試，但原來仲有更驚喜嘅選擇！【星•68】同【丸。茶手作】合作供應台式茶飲，order台式茶飲可以豁免茶錢，真係好抵。我哋就叫咗【香濃芝士奶蓋x鐵觀音奶茶】同【黑糖珍珠x咖啡拿鐵】。點心可以喺點心紙落order，不過原來用電話scan QR code落係多啲菜式。【68薈萃全盒】即係點心拼盤，六款點心，三款咸點三款甜點，裝喺個木盒度，好精緻。蝦餃好大粒，裡面蝦肉都
今日就去咗【星•68】感受真正歎茶喇，【星•68】喺中環萬宜大廈萬宜廊，要喺萬宜廊外面停車場側邊入。裝潢係中西合璧風格，中式老店嘅地板瓷磚、藤椅、水墨畫風嘅碗碟；西式嘅吊燈、掛畫、金色配藍色嘅筷子匙羹。地方寬敞，枱與枱之間有足夠空間。整體感覺雅致又新潮，冇中式酒樓嗰種壓迫感。再加有鑊氣嘅open kitchen，非常乾凈整潔，食得放心，真係feel到真正嘅「歎茶」。
感覺滿分，但食物先係最重要一環。坐低先叫壺茶，原來茶連西式茶都有得揀，我哋叫咗【伯爵茶】，食中式點心飲西式茶真係第一次試，但原來仲有更驚喜嘅選擇！【星•68】同【丸。茶手作】合作供應台式茶飲，order台式茶飲可以豁免茶錢，真係好抵。我哋就叫咗【香濃芝士奶蓋x鐵觀音奶茶】同【黑糖珍珠x咖啡拿鐵】。
點心可以喺點心紙落order，不過原來用電話scan QR code落係多啲菜式。【68薈萃全盒】即係點心拼盤，六款點心，三款咸點三款甜點，裝喺個木盒度，好精緻。蝦餃好大粒，裡面蝦肉都幾多；牛肉燒賣啲牛肉味都幾濃。最得意係青蛙造型嘅豆沙包。
【濃雞湯松葉蟹鉗灌湯餃】灌湯餃皮薄饀料足，真係成隻松葉蟹鉗喺入面㗎，濃郁雞湯令蟹鉗更好味。
【話梅叉燒酥】外皮好鬆脆，裡面仲出緊煙，好香口，不過話梅味就淡咗啲。
【酥炸魷魚鬚】炸出嚟熱辣辣，裡面魷魚爽彈。一碟份量都幾多，兩個人食到好飽。
呢度另一賣點就係有多款滋補燉湯供應。天氣炎熱再加上疫情反覆，飲返盅【金銀菜南北杏燉白肺】清熱潤肺就perfect啦。
完全嘅一餐當然要以甜品作結。【蓮蓉西米焗布甸】焗出嚟好香甜香滑。
【燕窩奶黃煎堆】煎堆外脆內軟又香口，仲有養顏燕窩添！
環境舒適地方乾淨、食物選擇豐富、味道好又有特色，好滿意，好滿意。今次兩個人「戰鬥力」有限，下次多啲人可以揀午巿套餐，試埋小菜同粉麵飯。
由即日起至31/7，堂食同外賣自取點心菜式、丸茶手作飲品都有 68折添~
Post
