Video
Read full review
2018-10-25
466 views
餐廳環境廣闊，樓底高很有空間感，酒吧餐廳的燈光亦是帶點浪漫與輕鬆之間，微黃燈泡以作吊飾，軟身大梳化令人坐得舒服。另一邊就有型格光管裝飾，氣氛同環境都好岩happy hour飲返杯，或者輕鬆食晚餐飲下雞尾酒。和風北海道帶子配魚籽沙律 $108帶子橫切成三片，微煮過令外層更有口感，帶子十分細嫩軟滑，加上魚籽提鮮，味道好好。沙律菜亦新鮮爽脆，配帶微酸開胃的醋汁，還有醒神帶果香的蜜柑，帶有日式風味。加拿大龍蝦意大利飯$188龍蝦有半隻，唔算好大隻，但肉質扎實爽彈，蝦身肉較濕潤美味，但鉗位偏乾，不過龍蝦加了芝士焗香，味道幾滋味。重點推介係意大利飯，煮得保持外軟飯心有咬口，仲吸哂蕃茄同上湯味，算是濃重口味的菜式。明太子海膽意粉$188意粉煮得剛剛好，口感al dente有咬口，而且掛滿creamy醬汁好順滑，味道濃郁帶海膽甘甜同忌廉的奶香，明太子咸香味唔算較出，反而喜歡三文魚籽添加的咸鮮味，令味道豐富。提拉米蘇$78，賣相精緻好看，份量亦算多，可兩人分享。旁邊的生果粒有數款，睇得出餐廳花心思同用料好。Tiramisu 有兩層餡料夾著中間浸過咖啡的餅，上面灑滿可可粉。有別於一般的Tiramisu，餡
餐廳環境廣闊，樓底高很有空間感，酒吧餐廳的燈光亦是帶點浪漫與輕鬆之間，微黃燈泡以作吊飾，軟身大梳化令人坐得舒服。
另一邊就有型格光管裝飾，氣氛同環境都好岩happy hour飲返杯，或者輕鬆食晚餐飲下雞尾酒。
和風北海道帶子配魚籽沙律
$108
43 views
0 likes
0 comments
和風北海道帶子配魚籽沙律 $108
帶子橫切成三片，微煮過令外層更有口感，帶子十分細嫩軟滑，加上魚籽提鮮，味道好好。沙律菜亦新鮮爽脆，配帶微酸開胃的醋汁，還有醒神帶果香的蜜柑，帶有日式風味。
加拿大龍蝦意大利飯
$188
44 views
0 likes
0 comments
加拿大龍蝦意大利飯$188
龍蝦有半隻，唔算好大隻，但肉質扎實爽彈，蝦身肉較濕潤美味，但鉗位偏乾，不過龍蝦加了芝士焗香，味道幾滋味。重點推介係意大利飯，煮得保持外軟飯心有咬口，仲吸哂蕃茄同上湯味，算是濃重口味的菜式。
明太子海膽意粉
$188
47 views
0 likes
0 comments
明太子海膽意粉$188
意粉煮得剛剛好，口感al dente有咬口，而且掛滿creamy醬汁好順滑，味道濃郁帶海膽甘甜同忌廉的奶香，明太子咸香味唔算較出，反而喜歡三文魚籽添加的咸鮮味，令味道豐富。
提拉米蘇
$78
37 views
0 likes
0 comments
提拉米蘇$78，賣相精緻好看，份量亦算多，可兩人分享。
旁邊的生果粒有數款，睇得出餐廳花心思同用料好。Tiramisu 有兩層餡料夾著中間浸過咖啡的餅，上面灑滿可可粉。
有別於一般的Tiramisu，餡料唔係平常的cream cheese/mascarpone 咁厚身，食完多數較膩，但呢度既Tiramisu 似吉士口感，甜度亦不高，質感幼滑輕盈不膩，食哂成份甜品都無負擔。至於餅唔太重咖啡味，亦無酒味，偏向亞洲人接受的口味。
Mr Cool
$68
38 views
0 likes
0 comments
Mr Cool $68，由荔枝、薄荷、Ginger Ale調成，沒有酒精的mocktail，荔枝有種清甜，加上薄荷令飲品多份清爽，飲落帶氣泡微微沖擊的薑味汽水。餐廳仲有多款有酒精的cocktail，黎呢類酒吧餐廳既好處就係可以邊暢飲邊嘆美食同傾計。
Post
