紀文 (Closed)

唔駛日日都食好野，有時都想hea食。Food court都有好野食嘅，紀文的魚餅product 係最出名的，就食呢個先。自選炸魚餅蕎麥麵($34)，我揀左明太子魚餅，但係冇咩明太子味，只有魚味，但係真係幾好食，有嚼勁。醬油湯不錯，唔會太濃或太清，麵質爽滑。Soba 和海帶份量也不少，十分抵食。阿姐推介關東煮($30)仲話必食添，呢個中伏了。由於本人平時去日本旅遊，最喜歡去各大便利店都食關東煮，所以略有心得。海帶、蘿蔔和三角形糕都可以過關，但係獅子狗、蛋、魚片和魚串係冇味道，淡mul mul的，肉質已經稔到……，只有麵粉吧，同日本食開的質素有好大距離！