蟹慶 (Closed)

秋冬又到左食蟹嘅季節，每年都會搵日本蟹食，今年再次去到蟹慶食毛蟹，而且仲發現新推左個好抵食嘅蟹宴套餐，原隻毛蟹拆膏拆肉，仲有刺身拼盤，鵝肝蒸蛋，網燒牛扒，蟹膏伴冷烏冬，都係$899一位。地方闊落，一入店就見到幾隻毛蟹同我打招呼。蟹肉柚子沙律，滿滿鮮蟹肉配沙律菜同柚子醋汁，清爽清爽。前菜2點，係冷牛蒡同冷螺肉。刺身四點，有吞拿魚，三文魚，牡丹蝦，帆立貝刺身，新鮮鮨味，厚切魚生食得特別滿足。鵝肝魚籽蒸蛋，好滑嘅茶碗蒸，加入香濃鵝肝同三文魚籽，鮮味爆登又暖胃。時令蟹，北海道原隻毛蟹，師傅拆肉拆膏上碟，食靚蟹都可以食得非常輕鬆，啖啖肉，而且份量足，蟹羔鮮甜，齒頰留香。松葉蟹腳雜錦天婦羅，炸得鬆脆，炸功應記一功。明太子蘆筍，油漬明太子煮蘆筍，滿滿明太子咸香滋味。名古屋汁燒穀飼牛扒，5成熟網燒牛扒，配燒汁芝麻，肉嫩牛肉味濃。鯛魚白湯，香濃雪白嘅魚湯，加入日本豆腐，暖胃滋潤。蟹肉稻庭冷烏冬，彈牙滑溜嘅稻庭烏冬，配醬油冷湯，加上鮮味蟹膏同三文魚籽，又清爽又彈又鮮味，帶黎飽肚感之餘又唔會漏。甘物: 抹茶蕨餅，紅豆抹茶奶凍，軟彈嘅蕨餅配香濃抹茶奶凍，重抹茶味又唔係好甜，正合我意。想係香港輕鬆食新鮮日本蟹的