隆姐泰國美食館

Open Now

Now Closed

可以準時收工！夾到時間同媽咪阿姨食泰菜！阿姨好好去攞位先！可以四個人坐卡位！不過都好窄！出入都好怕撞到人！因為枱櫈都拍得好近！叫咗：扎肉湯河--金邊粉好幼！索晒啲湯！扎肉唔會好乾！不太咸！湯底落好多蔥花芫茜！好香好味！泰式蠔仔煎蛋--呢個必食！鐵板熱住多汁嘅炒蛋同蠔仔！蠔仔有少少殻！點埋橙色辣椒醬！好惹味！飛天通菜--唔要馬拉盞！因為我們全部唔鍾意嗰陣味！普通蒜茸炒通菜！少少辣！好味！沙嗲串燒豬肉--唔乾唔嚡！有少少juicy，點埋花生味重嘅沙嗲醬！good!食物好快上！裝修簡單！食物地度！侍應好勤快！有人情味！飲外帶飲品都無話我們！食飽仲有糖水送！係熱芋頭椰汁西米露！味道都唔錯！今餐叫嘅嘢唔多！但全部食晒唔使打包！份量剛剛好