SAKImoto bakery 嵜本 高級Shokupan專門店 (海港城) (Closed)

唔係朋友講我都唔知尖沙咀有間日本人氣吐司專門店，店內有得賣吐司同果醬，同時亦係一間餐廳🍴有all day breakfast、意粉、沙律、三文治等等等… 「️果醬組合·三款果醬」❤ 可以同一時間嘗試到吐司同三款果醬。吐司擇左有牛奶同蜜糖香嘅《極生》，口感鬆軟，而自選果醬三款擇咗紅寶石玫瑰紅桑子、開心果、榛果風味！紅寶石玫瑰紅桑子味道酸甜，食到好多細細粒嘅果籽。開心果味平時少見所以第一時間就揀咗佢，堅果味香濃，榛果風味道都好突出，三款醬用嚟搽包都好夾👯‍♀️☺️飲品升級要香桃冰茶，果味清甜，好飲！不過, 原來呢度每人最低消費一杯飲品，姐係唔可以兩個人叫一份吐司餐share就坐係餐廳，朋友唯有叫杯凍朱古力，埋單大概百幾蚊，有點兒貴但一次半次當輕食下午茶都幾特別既～