FRITES Belgium on Tap (皇后大道中心)

Open Now

Now Closed

喺太古廣場參加完Event，咁就過中環搵吓嘢食。本來諗住去食串燒店，點知過馬路嘅時候見到呢一間舖成日都經過，但係就未試過，見佢出邊高枱坐滿氣氛幾好，就改試呢一間。一入到去全場full晒，啱啱好彩一枱客起身走，咁就安排咗我哋入座。因為食咗嘢自在吹吓水咁就嗌咗兩個小食同埋杯嘢飲。先嚟咗個。 Prawn and crab ball, 食落去好重蟹味，但完全感覺唔到蝦嘅存在。跟住兩杯嘢飲到，我個杯就Big Buddha, 果酸好重係醒胃，同埋飲落去有浸浸士多啤梨嘅味道幾鍾意。另外點咗一杯。One More Please俾朋友，咁啱佢就係想飲有菠蘿嘅mocktail, 呢杯就係有。我都飲左朋友個杯一啖，不過我就覺得我個杯酸酸甜甜好飲啲。跟住等咗好一段時間個Mini Burger都未上，跟住睇吓原來都過咗半個鐘。今就催催單，隔多咗陣就嚟咗啦。賣相正常，但食落去係常溫一啲都唔熱，漢堡都唔知煎咗之後放涼左幾耐，呢個就真係有啲失望。除咗食物之外，氣氛都係唔差嘅，啱啱撞啱隔籬嗰枱有人生日，有店員喺度唱生日歌都好有氣氛。事次用餐為自費。