牛奶冰室 (新葵興廣場)

Open Now

Now Closed

辛勞一個早上，送完屋企人上機場巴士，想要一個豐富早餐。葵興商場除左x心，扶手電梯再上有好多其他餐廳。這間牛奶冰室光猛，好多人食早餐，今日就呢間。餐牌有多款早餐選擇，我揀左茶記A餐的火腿濃湯牛乳，炒滑蛋，丹麥酥包。牛乳湯底濃郁，光滑的細通粉配火腿絲，係由細食到大的風味。之前食過有些茶記係用螺絲通粉，有坑嘅通粉，或者火通係一片片上，雖然都係火腿通，但是感覺奇怪。無糖鮮奶麥皮，健康之選，麥皮可以潤腸，加上鮮奶已經好好味。滑蛋上面哂咗少少香草，金黃色炒蛋，蛋本身已經夠咸，不用再放鹽了。丹麥酥包，牛油香味濃郁，可以一片片撕下來食，比平時的方包更加好味。配上熱飲熱咖啡和熱可可，成個人都暖曬，舒緩一下緊張的情緒。