火鍋英雄 (Closed)

呢間位於銅鑼灣嘅火鍋店《火鍋英雄》， 裝修甚具文藝氣息，掛滿咗對聯， 中式樂器， 插畫。 主打四款山城四大名鍋： 川菜冷鍋魚、 跳水田雞鍋， 南山泉水雞鍋， 以及青椒魚頭鍋。 每款都各有特色，集麻、香、辣、嫩於一身。 打邊爐之前可以品嚐各種山城風味， 大飽口福。英雄八盞，八道精緻既前菜： 豬耳、芽菜、青瓜、海帶、豆角、 豆腐乾、 貓耳朵、蓮藕，由淡到濃，鹹酸辣麻，總有一道啱你口味。洛神花茶，呢杯洛神花茶有少少酸梅湯既影子，酸梅同洛神花既味道平分秋色，初時飲就覺得甜咗少少，不過個雞鍋一嚟到之後，味道便漸漸對辦了。南山泉水雞鍋，泉水雞係近年喺川渝地區炙手可熱既新派川菜，一般是一雞三吃：泉水雞，雞血旺，炒雞雜；由於源自重慶南山，因而得名。餐廳選用揀手烏骨土雞公，以花椒，辣椒，大蒜，豆豉，冰糖等十幾種香料炮製而成，突出麻辣燙鮮香嫩既特點，令人回味無窮；最好一開始就撈哂啲雞上嚟先，食一舊落一舊，咁就可以保持雞肉既嫩滑；除咗嫩滑既烏雞之外，鍋裏面仲有大量既冬菇，鐘意食冬菇既我大愛。 新鮮鵝腸，新鮮既鵝腸有幾美味，相信食過既朋友都無需多講，難得在於新鮮既鵝腸唔係度度有得食，今日喺度見到當然唔會放過，