Video
Read full review
2019-03-14
106 views
平時食開間樓上米線今日專登落翻2層食呢間黃記煌去到仲早，所以人唔多。呢到嘅食法係食完鍋再盪食 (即係打邊爐)太肚餓坐低就即刻嗌咗個辣嘅牛氣衝天燜鍋~店員仲好細心Double Confirm 真係食得辣先好叫辣，我作為嚐辣一族梗係唔驚！D野食未到，可以先食住竹炭花生醫下肚，不過好快就有嘢食啦！先黎夫妻肺片同尖椒皮蛋，初頭只係想叫一個前菜，但見第二款半價就試埋。肺片非常爽口，而且好入味；皮蛋嘅蒜好香，加埋個油底食超正。無幾耐店員捧左個紅色嘅缸，再將入面嘅野倒落去個鍋到整熟。加埋醬汁同芫茜(正啊喂)，煮多陣個牛氣衝天燜鍋就食得！食落都咪話唔辣，不過真心越辣越過癮！牛氣衝天燜鍋有牛肺片、牛柏葉、牛腱同牛肚。當中我就最鍾意食牛柏葉，D辣汁索曬入柏葉，食落啖啖都係個惹味嘅辣汁，牛肚都非常唔錯，彈牙唔痴口！食到咁上下就加湯食燙料。打邊爐點少得肥牛！我地叫左個美國安格斯頂級肥牛，食落好有牛味又唔老，仲有湯底嘅辣滲入牛肉入面；炸魚皮好脆，唔會好似一D火鍋店一早擺到淋曬先上檯；其他配料包括午餐肉，非常鬆軟、蘿蔔就入味、魚皮餃皮薄、鵝腸彈牙、手工松露墨魚丸真重黑松露味，鍾意松露就唔好錯過！仲有我最喜歡食嘅炸
今日專登落翻2層食呢間黃記煌
去到仲早，所以人唔多。
呢到嘅食法係食完鍋再盪食 (即係打邊爐)
太肚餓坐低就即刻嗌咗個辣嘅牛氣衝天燜鍋~
店員仲好細心Double Confirm 真係食得辣先好叫辣，
我作為嚐辣一族梗係唔驚！
D野食未到，可以先食住竹炭花生醫下肚，
不過好快就有嘢食啦！
先黎夫妻肺片同尖椒皮蛋，
初頭只係想叫一個前菜，但見第二款半價就試埋。
肺片非常爽口，而且好入味；皮蛋嘅蒜好香，加埋個油底食超正。
9 views
0 likes
0 comments
夫妻肺片
19 views
0 likes
0 comments
尖椒皮蛋
15 views
0 likes
0 comments
無幾耐店員捧左個紅色嘅缸，再將入面嘅野倒落去個鍋到整熟。
加埋醬汁同芫茜(正啊喂)，煮多陣個牛氣衝天燜鍋就食得！
食落都咪話唔辣，不過真心越辣越過癮！
牛氣衝天燜鍋有牛肺片、牛柏葉、牛腱同牛肚。
當中我就最鍾意食牛柏葉，D辣汁索曬入柏葉，食落啖啖都係個惹味嘅辣汁，
牛肚都非常唔錯，彈牙唔痴口！
牛氣衝天燜鍋
18 views
0 likes
0 comments
牛氣衝天燜鍋
15 views
0 likes
0 comments
食到咁上下就加湯食燙料。
打邊爐點少得肥牛！
我地叫左個美國安格斯頂級肥牛，食落好有牛味又唔老，仲有湯底嘅辣滲入牛肉入面；
炸魚皮好脆，唔會好似一D火鍋店一早擺到淋曬先上檯；
配料 （蘿蔔, 炸魚皮, 炸響鈴, 午餐肉,魚皮餃, 手工松露墨魚丸, 炸響鈴)
31 views
0 likes
0 comments
其他配料包括午餐肉，非常鬆軟、蘿蔔就入味、魚皮餃皮薄、鵝腸彈牙、手工松露墨魚丸真重黑松露味，鍾意松露就唔好錯過！仲有我最喜歡食嘅炸響鈴！擺落去兩秒即刻夾翻上來，吸曬湯底嘅精華，辣即刻Double左，所以我都忍唔住要叫野飲。
美國安格斯頂級肥牛
12 views
0 likes
0 comments
鵝腸
5 views
0 likes
0 comments
野飲方面，係同許留山有合作，我叫左杯芒椰奶西。
好耐無飲過，飲第一啖就聞到椰奶香，
加埋粒粒西米，有得食住飲！
芒椰奶西
15 views
0 likes
0 comments
食完真係飽到上心口，味道好惹味！不過學店員話齋，食得辣先好叫辣！
Post
