滿江紅 (Closed)

辣得過癮嘅傳統小菜一班人一齊食飯最好就係揀中菜，因為圓檯方便大家傾偈同gathering。滿江紅餐牌有好多嘢食，我哋揀咗蒜泥白肉，白玉有少少肥， 面上有好多蒜泥， 聞到都覺得香，食完成個口都係蒜蓉味，超級香濃。皮蛋豆腐相對地比較普通，因為豆腐食落似現成百福豆腐，但係皮蛋幾好食，呢道菜其實簡單得黎冇得輸。蒜片牛肉粒呢個超級好食，好有驚喜，佢包得好香，牛肉食落去外邊脆脆哋，但係入面係林嘅，加埋少少蒜蓉味，份量都唔少，一口小吃。正呀！酸菜桂魚相信係食川菜必叫嘅一道菜之一，桂花魚都幾大件，而且都夠滑， 而且仲有唔少菇喺入面，湯底酸酸哋幾開胃，味道唔錯。羅定豆豉雞呢個辣辣哋，但係調味幾香，好惹味。辣得嚟幾好食，而且啲雞都唔「鞋」，不過有少少偏重口味。麻婆豆腐真係撈飯一流，麻婆豆腐好香，豆腐夠滑，而且充滿川菜風味，啱曬食得辣嘅朋友。 唔該叫多碗飯呀!胡椒海中蝦係店員推介，最少要叫六隻，黎到一鍋打開胡椒味好香，真係香得好緊要呀! 似大頭蝦咁，食落都新鮮，但係呢個餸我反而覺得偏辣。另外再嗌咗紅油水餃及雞湯雲吞，餃類非常出色，味道唔錯，我個人喜歡食紅油水餃。叫咗咁多辣嘢當然怕太辣，所以叫咗渣蜜瓜汁，清清