四姐川菜

Open Now

Now Closed

心血來潮想食川菜，就黎咗位於四姐。一早都已聽聞四姐，今日有機會一試，都好期待。餐廳環境好大，而且坐得好舒服。蒜泥青瓜未食正餐，先上一道前菜開開胃。呢道前菜既蒜味唔會好強烈，調味恰到好處，唔會搶咗主角青瓜既風頭。青瓜好新鮮，食落非常爽脆，而且好清新。招牌四川涼麵見到係招牌菜，當然要點一份試下。果然非常好味！成個涼麵既精髓，醬料，非常惹味，係一種香辣，唔會嗆喉。真係食唔停口😋。涼麵仲可以自行選擇辣度，啱返自己口味。蕃茄蛋花湯蕃茄湯蕃味好香，仲有好多片片蕃茄係個湯入面，真材實料，超正呀。酸菜魚好少餐廳有酸菜魚，難得有，梗係要柯打一客。份量超大方，有勁多魚，三至四人食都唔成問題。魚塊肉質好嫩滑，而且無骨，食落好方便，而酸菜則十分爽脆。真係超多料呀！香辣魷魚蝦除咗主角魷魚同蝦，仲用咗大量香料炒，所以食落好夠味。大蝦外層好香脆，蝦肉保持鮮嫩，一脆一嫩，食落好正。魷魚同樣唔遜色，煮得啱啱好，唔會太靭。