Video
Read full review
2024-07-21
77 views
元朗人一定知富來花園呢條巷臥虎藏龍想介紹一間小店比大家尤其是如果你都鍾意食印度辣嘢我覺得唔好比個辣字嚇親先佢哋嘅食物我覺得唔係獨孤一味有辣有唔辣，而辣嘅程度亦有得揀佢哋嘅「辣」，帶異國風情，香料味濃我就好鍾意佢哋嘅調味，出面比較少食到主力做外賣，亦有堂食但位唔多，一張枱仔㗎咋open kitchen一眼睇曬，夏天堂食預咗熱環境係衛生嘅，所以唔洗擔心食安問題老闆娘好熱情，識講中文！唔驚雞同鴨講鍾意咩辣度可以同佢講佢亦會介紹啲啱你口味嘅美食同老公兩個人入嚟買外賣呢樣想試嗰樣想試嗌咗幾多嘢🙈Samosa（$16/件）名物點都要試吓啦勁大隻，有手掌咁大，即叫即炸熱辣辣有啲相立即食可惜今日落雨要拎遮冇手食返到屋企食都仲好正入面係印度咖哩薯仔洋蔥等老闆娘話要試吓沾佢哋嘅乳酪醬風味更佳！真係好味喎！辣肉腸pizza（9”）隻肉腸老闆娘話係南非貨香港買唔到，係期間限定Pizza可揀厚巧批或薄批鍾意食脆口嘢嘅揀薄會開心啲我覺得真係幾好食，一次食唔晒放入雪櫃第二日焗返依然幾好食Chicken biryani勁好食！勁鍾意佢哋用香料嘅手法因為自己唔識點形容印度米尖長比較乾身口感同平時食嘅泰國米唔同雞肉以乳酪
元朗人一定知富來花園呢條巷臥虎藏龍
想介紹一間小店比大家
尤其是如果你都鍾意食印度辣嘢
我覺得唔好比個辣字嚇親先
佢哋嘅食物我覺得唔係獨孤一味
有辣有唔辣，而辣嘅程度亦有得揀
佢哋嘅「辣」，帶異國風情，香料味濃
我就好鍾意佢哋嘅調味，出面比較少食到
主力做外賣，亦有堂食但位唔多，一張枱仔㗎咋
open kitchen一眼睇曬，夏天堂食預咗熱
環境係衛生嘅，所以唔洗擔心食安問題
老闆娘好熱情，識講中文！唔驚雞同鴨講
鍾意咩辣度可以同佢講
佢亦會介紹啲啱你口味嘅美食
同老公兩個人入嚟買外賣
呢樣想試嗰樣想試嗌咗幾多嘢🙈
Samosa（$16/件）
名物點都要試吓啦
勁大隻，有手掌咁大，即叫即炸
熱辣辣有啲相立即食
可惜今日落雨要拎遮冇手食
返到屋企食都仲好正
入面係印度咖哩薯仔洋蔥等
老闆娘話要試吓沾佢哋嘅乳酪醬
風味更佳！真係好味喎！
辣肉腸pizza（9”）
隻肉腸老闆娘話係南非貨
香港買唔到，係期間限定
Pizza可揀厚巧批或薄批
鍾意食脆口嘢嘅揀薄會開心啲
我覺得真係幾好食，一次食唔晒
放入雪櫃第二日焗返依然幾好食
Chicken biryani
勁好食！勁鍾意佢哋用香料嘅手法
因為自己唔識點形容
印度米尖長比較乾身
口感同平時食嘅泰國米唔同
雞肉以乳酪醃過肉好似特別嫩
但又因為烤過，所以外表焦香
一盒$30，我就覺得抵過兩餸飯
芝士焗西蘭花
如果家中有焗爐建議焗返黎食
全屋企勁香芝士同西蘭花味
因為太熱叫咗兩杯嘢飲
Mango lassi係印度餐廳名物
呢度都幾好飲，起碼唔會太甜
而另一杯係話梅青檸梳打
天氣又熱又焗來一杯真係透心涼
街坊小店做嘅都係街坊生意
老闆娘性格豪爽又友善
食物質素又好，價錢都ok
係吸引我經常幫襯嘅理由
元朗街坊可以過嚟試吓！
Post
