又一川

Open Now

Now Closed

其實之前已經聽過朋友推介，不過因為我唔係住呢一區，所以其實都好少經過觀塘。不過今日難得經過就特登來試一試。其實佢食嘅嘢同譚仔三哥非常相似，都係酸辣薯粉、米線嗰啲。不過朋友就專程推介，呢度嘅酸辣土豆絲，同埋蒜泥白肉，所以今次就另外叫埋呢兩樣野來試一試。雖然蒜泥白肉入邊嘅蒜蓉唔係好夠多，不過勝在調味調得非常之好，鹹香之中帶點酸，醬油味亦都好出，而且肉的部份亦都烹調得好好，唔會過分油膩，配合青瓜，食落去好清爽好開胃。而今日嘅主角，酸辣土豆絲，亦都令我刮目相看。其實土豆並唔係啲值錢野，講真我本身無好期待，不過呢度嘅廚師，好用心咁樣將土豆切成一絲絲，配合埋辣椒同埋醋，將一樣平凡嘅食材，變得非常可口非常好味，果然唔簡單。聽朋友講，呢度嘅水煮同樣出色，希望下次有機會可以再來試一試。不過大家留意番，呢度嘅餸菜，辣味偏重，唔係好食得辣嘅朋友，就要自己衡量一下啦。