串王之王 - 正宗成都串串火鍋 (Closed)

同朋友去咗尖沙咀食嘢，我哋兩個都係好鍾意食辣嘅人，簡直係無辣不歡，就去左試串王之王。一入到嚟就覺得啲員工都好友善，又同我地介紹Menu，又比左條圍裙俾我哋，仲好細心咁樣話埋比我哋知邊度攞嘢食邊度攞嘢飲邊度係廁所，服務態度真係好好，笑容又好。其實依家香港好多餐廳啲員工態度都好差，就算有+1都係冇服務，但係呢間啲侍應就好好啦。嘢食方面選擇嘅種類都好多，嘢飲種類都有好多係清熱嘅，非常適合我哋呢啲又鍾意食辣又驚爆暗瘡嘅人，蔬菜嘅種類多好多，實唔怕會便秘。湯底我哋嗌咗鴛鴦，一個麻辣一個藥膳，麻辣叫咗中辣，非常野味，藥膳都好香膿，另外我地仲叫左兩份小食，一個系酥炸豬肉，真材實料，啖啖肉，唔厚粉，佢地仲教話要浸一浸啲湯底先食，會更加香。仲有冰粉，我地簡左水蜜桃味，店員好細心係等我哋食完野先送上嚟，時間岩岩好，食完辣野再食啲冰涼既野真心好爽！