映水芙蓉 (海運大廈) (Closed)

同事話中意食呢間野，雖然我本身唔太食得辣，但少數服從多數，出得黎行預左要還，唯有跟大隊啦。可能我地去得早，中午12點左右冇Book位都有得坐。入到去又幾好Feel喎，環境闊落仲有大塊落地玻璃可以望下海景。可惜果日天氣麻麻。好辣既同事好快就揀好左餸。敲糖棒棒雞，一聽個名就知係Gimmick野，上到黎又幾搞笑，係D雞上面用個糖衣整既野好似玻璃樽咁裝住D麻油，之後用支匙羹係咁敲佢，敲碎左之後就撈暈佢，完。開頭見到佢紅噹噹既時候好驚佢會好辣，點知又唔會，反而麻油味香，D雞肉都好嫩口，手撕雞咁。同事另外嗌左個金牌毛血旺，今次見到佢紅噹噹諗住佢會好似個雞咁唔會好辣啦，點知中伏!!都幾辣下，不過佢入面有好多唔同既配料。除左豬血，仲有荀、肥牛、魷魚仔、牛柏葉etc. 幾種唔同配料食落口果種辣都有少少唔同，越食又越想食，都幾過癮。我覺得呢間野環境一流，野食既質素都唔錯。