祥仔辣辣 (雅蘭中心) (Closed)

餐廳室內裝修以新、舊中國風設計，幾靚，冷氣足夠(對於專門食辣嘅餐廳係十分重要😂) 座位亦都舒適👍🏻店員推薦我地登記做The Food Story會員，因為登記完之後就可以用$288優惠價叫辣到噴火精選套餐，我地兩個人食份量啱啱好，整體味道都算唔錯。套裝包括:『前菜』1️⃣惹火山木耳味道比相像中辣，不過十分惹味，山木耳咬落清爽，好開胃。2️⃣川味口水雞對我黎講唔辣，麻味多少少會更好，不過雞肉肉質都嫩口，幾好食。.『招牌菜 』水煮牛肉、祥仔招牌酸菜魚 （二選一）我揀左酸菜魚，辣度可自選，我揀左小辣，食落唔算辣，食得辣既你可以揀中辣以上🤣魚肉肉質嫩滑而且去左骨，方便食用👍🏻其他配料例如酸菜、芽菜都唔錯。.『特色菜品』1️⃣噴火小籠包小籠包皮夠薄，饀都算多，記住趁熱食。2️⃣乾煸四季豆呢個我10分推薦，四季豆炒得好香口，整體調味鹹甜度適中😋3️⃣香芹豬肉水餃鍾意食芹菜嘅我覺得芹味可以濃啲。.『甜品』黃金南瓜露南瓜露質地滑身，味道微甜， 正好中和之前食物嘅辣味。入面有兩粒亞塔子，口感煙韌，幾特別。