三希樓 (Closed)

朋友聚餐,話想食川菜,又想坐得舒服d,環境好d,就去佐銅鑼灣時代廣場ge三希樓食飯.7點令入到黎,暫時都唔洗等位,可能因為系閑日.坐底之後,發現呢度真係好多嘢食wor,本menu好厚,入面菜式ge種類好多!我地就叫佐沙律鮮筍&蜂蜜番茄前菜系2碟比較清爽口味ge小菜,鮮筍淋佐好多沙律系上面,筍味唔會話好濃,唔食筍ge朋友唔洗驚.蜂蜜番茄好清新,番茄切片令客人食得方便,蜂蜜比較甜,好唔錯.三椒豬手顧名思義用佐3種唔同ge椒去炒,青椒,紅椒同鮮胡椒粒去炒豬手粒,豬手粒煙煙unun,有d椒味,好香,唔會好辣成道菜都.水煮鮭魚片最正ge水煮鮭魚片黎啦,好大盤,鮭魚片都幾多下,面頭d辣椒多到數唔曬,越食越辣個魚片,但就越食越刺激!!水煮魚入面仲有其他唔同ge配菜,有薯粉,青瓜,鴨血,筍,芽菜等,都幾豐富,但食唔得太辣ge朋友就量力而為啦~食完咁辣嘅嘢我哋就叫咗個炒蒿筍，食完辣野食真係豁然清新。紅棗糕都落足料濃烈嘅味道，好香濃。坐得好舒服ge餐廳,環境好唔錯,食物都唔錯,適合一大班朋友黎食.幾好.