Video
Read full review
2016-08-31
943 views
有辣雞煲食, 一CALL 老遠都即到啦, 今次食友帶我黎土瓜灣的路邊煱食雞煲, 不在地鐵沿線的土瓜灣, 對我來說非常陌生, 不過為左食好野, 係時候衝出荃灣區了, 反正揸住部倫敦的, 去邊區食都無難度了座位寬敞, 抽油系統強勁。4大皇牌任君選擇, 我地今晚食雞煲。牛魔皇睇到…又來心心眼招牌雞煲皇 (HK$138/半隻)打開蓋, 麻辣香氣澎澎聲湧出黎, 好鬼嗆鼻, 半隻雞份量其實不少, 還有每人一隻鮮鮑魚, 加上大量洋蔥、辣椒、蒜頭、香芹及芫茜, 香到呢……令人食指大動, 好彩叫小辣, 湯汁己經夠辣, 辣得又麻又香, 唔鹹, 卻MIX 左好多香料及調味料, 惹味非常。雞件入味又嫩滑, 正扣左一陣就夾起的鮑魚, 無過火, 好爽滑。招牌肥牛拼盤($368) 有齊牛頸脊、牛胸爽、牛脷托、和牛粒、本地手切及金錢展, 啱晒貪心的牛魔皇牛頸脊 ~ 肉色嫩紅誘人, 油花分佈均混, 油香而滑口牛胸爽 ~ 白色那塊是牛胸爽, 食味跟外型都似一塊肥猪肉, 入口爽爽地, 好似食緊走瘦既猪頸肉, 好油香, 個人唔係咁鐘意呢個口感, 好似食緊肥糕咁。 牛脷托 ~ 口感像牛舌, 爽口但沒有獨特而突出的味道。和牛粒
座位寬敞, 抽油系統強勁。
4大皇牌任君選擇, 我地今晚食雞煲。
牛魔皇睇到…又來心心眼
招牌雞煲皇 (HK$138/半隻)打開蓋, 麻辣香氣澎澎聲湧出黎, 好鬼嗆鼻, 半隻雞份量其實不少, 還有每人一隻鮮鮑魚, 加上大量洋蔥、辣椒、蒜頭、香芹及芫茜, 香到呢……令人食指大動, 好彩叫小辣, 湯汁己經夠辣, 辣得又麻又香, 唔鹹, 卻MIX 左好多香料及調味料, 惹味非常。
雞件入味又嫩滑, 正
扣左一陣就夾起的鮑魚, 無過火, 好爽滑。
招牌肥牛拼盤($368) 有齊牛頸脊、牛胸爽、牛脷托、和牛粒、本地手切及金錢展, 啱晒貪心的牛魔皇
牛頸脊 ~ 肉色嫩紅誘人, 油花分佈均混, 油香而滑口
牛胸爽 ~ 白色那塊是牛胸爽, 食味跟外型都似一塊肥猪肉, 入口爽爽地, 好似食緊走瘦既猪頸肉, 好油香, 個人唔係咁鐘意呢個口感, 好似食緊肥糕咁。
牛脷托 ~ 口感像牛舌, 爽口但沒有獨特而突出的味道。
和牛粒 ~ 跟牛頸脊差不多
本地手切牛肉 ~ 新鮮有光澤, 油脂比牛頸脊較少, 但牛味濃郁, 紥實有咬口, 跟牛頸脊食法完全唔同, 個人鐘意肉味較濃的本地手切牛
金錢展 ~ 牛肉帶根, 膠質重, 煙韌有嚼口, 唔係個個 LIKE, 有啲人覺得又硬又韌, 我鐘意做口部運動, 越咬越有味, LIKE
邊舊滑, 邊舊有嚼口, 邊舊爽口, 有圖有真相, 相信一睇便略知一二。(左 : 金錢展 中 : 牛頸脊 右 : 牛脷托)
手打四寶丸 ($88)牛丸 ~ 牛味濃, 有肉汁, 混入少許鹽及黑椒粒, 香辣惹味。
墨魚丸 ~ 彈牙爽滑, 有少許微細墨魚粒, 有咬口又好味。
鯪魚丸 ~ 新鮮唔腥, 放左蔥粒, 又香又滑口。
鮮蝦丸 ~ 無食, 邊個食左我個粒!!!
整體路邊煱啲丸幾打得好出色, 味道原始, 材料新鮮, 沒加太多調味料, 鹹度又適中, 推介。
牛丸有肉汁
食完清清熱
Post
