Video
Read full review
2019-06-30
30 views
講到中環，好多人都會覺得食野好貴，無咩特別好食，其實都好多好西係可能忽略左又或者仲好隱世，就好似今次呢間餐廳咁🙈呢間餐廳近港島上環站啲，餐廳位於大廈既地庫，落到去有少少唔似去到中上環既感覺，反而多左份親切感。今次叫左越南菜好出名既法式蒜蓉牛油雞翼、仲有炸蝦餅、香茅豬頸肉撈檬、鮮茄牛腩湯粉絲，👦🏻最推薦既法式蒜蓉牛油雞翼,因為佢個炸皮唔係坊間一般既方法同味道，雖然唔係個種薯片式脆法，但仍然有少許既脆度，加埋蒜蓉同牛油令到隻雞翼好味好多，佢仲有特別於用全隻雞全翼黎製作，未必會好似雞中翼咁啖啖肉，但👦🏻都幾鐘意吮骨，而個炸蝦餅炸到脆卜卜，點埋個泰式辣醬食就一流🤤香茅豬頸肉加埋撈檬都係👦🏻好鐘意食既越南食物，原因係好難會煮得唔好食，而唔係熱食既撈檬就好岩係夏天食，至少食完唔會一身汗；鮮茄牛腩湯粉絲既蕃茄湯好濃郁，配埋份量好多既牛腩同埋一大碗粉絲，酸酸甜甜都好適合夏天食，食食下仲試左將雞翼既蒜蓉牛油撈落個湯度飲，👦🏻覺得更加好味呀🤤每次都會透過以下6大方面評分(滿分:30分)味道 : 4 / 5環境 : 3.75 / 5外觀 : 3.75 / 5價錢 : 3.75 / 5服務 : 3.75 /
呢間餐廳近港島上環站啲，餐廳位於大廈既地庫，落到去有少少唔似去到中上環既感覺，反而多左份親切感。
今次叫左越南菜好出名既法式蒜蓉牛油雞翼、仲有炸蝦餅、香茅豬頸肉撈檬、鮮茄牛腩湯粉絲，👦🏻最推薦既法式蒜蓉牛油雞翼,因為佢個炸皮唔係坊間一般既方法同味道，雖然唔係個種薯片式脆法，但仍然有少許既脆度，加埋蒜蓉同牛油令到隻雞翼好味好多，佢仲有特別於用全隻雞全翼黎製作，未必會好似雞中翼咁啖啖肉，但👦🏻都幾鐘意吮骨，而個炸蝦餅炸到脆卜卜，點埋個泰式辣醬食就一流🤤
香茅豬頸肉加埋撈檬都係👦🏻好鐘意食既越南食物，原因係好難會煮得唔好食，而唔係熱食既撈檬就好岩係夏天食，至少食完唔會一身汗；鮮茄牛腩湯粉絲既蕃茄湯好濃郁，配埋份量好多既牛腩同埋一大碗粉絲，酸酸甜甜都好適合夏天食，食食下仲試左將雞翼既蒜蓉牛油撈落個湯度飲，👦🏻覺得更加好味呀🤤
每次都會透過以下6大方面評分(滿分:30分)
味道 : 4 / 5
環境 : 3.75 / 5
外觀 : 3.75 / 5
價錢 : 3.75 / 5
服務 : 3.75 / 5
回頭率 : 4 / 5
總分 : 23 / 30
性價比：如果以價錢、份量黎計，真心好抵食又夠大食，去開中上環既朋友仔又可以有一間口袋餐廳可以去試下啦🤤
Post