Video
Read full review
2006-02-05
3 views
22-10-2005 1524如不是有人帶路，也唔知這裡有類似中環樓上靚湯的食店。縱管自己未去過樓上靚湯，相信這裡更加隱蔽。呢間食店位於幾舊式既商住大廈，電梯更是要自己拉閘。上到去仍有少少食客，我和朋友叫了今日的神秘湯、菜甫肉鬆炒蛋及鴨胸炒油麥菜，每位惠顧25蚊以上，送10蚊的湯，小菜還會送米粉或白飯一碗。這裡每日都有7款不同的湯水、150多款菜式(應該會有些要視乎來貨或時令)及稍為貴價少少既套餐選擇。而其中當日的神秘湯只是從其他日仔掉過來，而幸運兒是粉葛豬骨湯。湯幾鮮味，而肯定是沒有落過師傅，飲得過。炒蛋鹹味剛剛好，蛋不會太生或太熟，亦係叫得過的菜式；炒油麥菜事前已叫要走油，幸好最後出來係少油，鴨胸似食梳打牛肉，菜就林得黎仍然保持到青綠色，也不錯。如果想食得清淡一些，煮時可以叫佢地少油、少鹽及用萬字醬油，否則佢地會以正常手法去弄。總括來講係值得翻炒，不過阿姐的服務態度有點不太好，這亦都可理解。當一班經常光顧的熟客態度唔好時兼相方的基本禮儀及禮貌沒有進步，有幾好脾氣的服務員有時都會冇乜心機工作，有時大家要互動一下，而不是單方面既input，而冇另一面既output，「客人永遠是對的」在
如不是有人帶路，也唔知這裡有類似中環樓上靚湯的食店。縱管自己未去過樓上靚湯，相信這裡更加隱蔽。呢間食店位於幾舊式既商住大廈，電梯更是要自己拉閘。
上到去仍有少少食客，我和朋友叫了今日的神秘湯、菜甫肉鬆炒蛋及鴨胸炒油麥菜，每位惠顧25蚊以上，送10蚊的湯，小菜還會送米粉或白飯一碗。這裡每日都有7款不同的湯水、150多款菜式(應該會有些要視乎來貨或時令)及稍為貴價少少既套餐選擇。而其中當日的神秘湯只是從其他日仔掉過來，而幸運兒是粉葛豬骨湯。
湯幾鮮味，而肯定是沒有落過師傅，飲得過。炒蛋鹹味剛剛好，蛋不會太生或太熟，亦係叫得過的菜式；炒油麥菜事前已叫要走油，幸好最後出來係少油，鴨胸似食梳打牛肉，菜就林得黎仍然保持到青綠色，也不錯。如果想食得清淡一些，煮時可以叫佢地少油、少鹽及用萬字醬油，否則佢地會以正常手法去弄。
總括來講係值得翻炒，不過阿姐的服務態度有點不太好，這亦都可理解。當一班經常光顧的熟客態度唔好時兼相方的基本禮儀及禮貌沒有進步，有幾好脾氣的服務員有時都會冇乜心機工作，有時大家要互動一下，而不是單方面既input，而冇另一面既output，「客人永遠是對的」在某些情況下係行不通的，所以服務我會俾番3分。正如我自己某個網名其中一part寫著「事情永遠係雙向」，當然不是這些原因而命名的。
Post
