船皇 (謝斐道) (Closed)

計落原來已經兩年無去過泰國旅行，睇返啲相真係好掛住泰國嘅美食。上一次去曼谷食過一間走高檔路線嘅船麵，最特別係有和牛船麵，食完之後對佢念念不忘。香港食正宗泰國船麵選擇唔多，除咗九龍城之外，船皇呢間過江龍船麵專門店都好有水準。除咗一般嘅豬肉牛肉同丸類之外，仲有和牛船麵澳洲和牛船皇湯麵用上澳洲和牛片，一上枱時牛肉係半生熟呈粉紅色，賣相吸引和牛肉質鮮嫩，牛肉味濃郁由於湯好滾，牛肉片好快就會被浸熟，所以最好快啲食。湯底以牛骨、多種香料同豬血熬制而成，味道同喺泰國食到嘅一模一樣，帶點藥材味，濃郁得嚟唔會過鹹麵底有四款選擇，可以揀蛋麵、米粉、金邊粉或者河粉。我揀咗非常掛湯嘅幼身金邊粉，吸晒湯底嘅味道。牛腩+牛肉片+牛肉丸船麵有三樣餸幾豐富，牛肉片同牛腩份量都唔少而且夠腍，牛肉丸細細粒但好彈牙。金邊粉可以揀湯麵或者撈麵，辣度由唔辣至大辣可供選擇。枱上面有提供食泰菜必備嘅調味架，有魚露、辣椒醋水同辣椒粉，可以根據個人口味加辣或者加魚露重口味啲都得。呢間船麵嘅味道非常貼近泰國食到嘅，而且大大碗份量足，食一碗就夠飽。幫襯過幾次都保持到水準