金田家 (Closed)

又係我呢個粉麵狂喇。今日去荃灣拍拖時男友突然話想食拉麵，咁岩經過金田家，咁就入去食下。忠於原味既我叫左個$75既黑豚拉麵，食落都幾好味，而且叉燒都好大片好足料。之前聽朋友講佢有個限定蕃茄湯沾麵，但去到搵左陣餐牌都唔見有。忍唔住問店員，原來岩岩好過左期間限定。不過唔緊要，男朋友最終叫左辛子黑蒜拉麵，呢個麵係配腩肉叉燒，叉燒肥瘦幾平均，好好食。我地另外追加左蛋，生熟恰當，都唔錯！btw 如果要2隻叉燒揀1種最好食既，其實各有各特別，不過我同男友就比較鍾意腩肉叉燒，因為我地都鍾意食肥肉。佢既小食有好多選擇，因為驚食唔晒，我地揀左好耐要炸軟殼蟹定係築前煮。最後揀左香港比較少見到既築前煮，味道特別，而且都好足料，有唔少餸。太耐冇飲波子汽水，忍唔住叫左黎飲。另外佢有平日午市都好抵啊！