十三少酸菜魚 (Closed)

自從男朋友開始帶我食辣野...好似開始慢慢接受到辣, 然後就俾朋友捉左去試酸菜魚..."十三少"又係得一個Meau, 之前睇過openirice, 佢碟"酸菜魚"都幾大兜,所以就嗌左: -酸菜魚(辣)  -口水雞-紅糖糍粑-鮮魚湯浸翡翠苗-酸菜魚(辣) : 唔係真係好辣, 可能因為辣椒唔係剪開, 裡面的辣椒梓無一齊滾個湯, 酸菜好多, 但都無至於好酸; 個魚片好滑, 裡面仲有D菇菇, 不過索左湯就有D麻有D辣, 湯面好多花椒粒,一咬中就好麻....-口水雞: 口水雞對我黎講, 真係頂唔住, 真係好辣!!個"口水汁"好"杰"完全掛係個雞到....所以我食左一嚿已經放棄, 朋友話好好食,個汁會上癮(誇張)-紅糖糍粑: 糍粑真係第一次見, 好好好好食!點果個"紅糖汁"超級解辣!個面係脆既有黃豆粉, 裡面似年糕煙煙韌韌!我食左好多舊...-鮮魚湯浸翡翠苗:寫單的時候都唔覺, 一食先知係菜苗, 最近菜苗平咩?佢都幾大兜下~成餐飯最爽就係個甜品!!我可以一個人食晒一兜~