CHOWTIME

Open Now

Now Closed

星期五晚嘅新港城食咩都要排隊，好彩我醒目諗到搭多個站喺烏溪沙落車，呢間西餐好似新開，就試呢間啦。價錢都唔貴，大約百零蚊有交易，始終馬鞍山區都係街坊生意，定價都算貼地，叫左幾樣野都幾好味，馬友可以bookmark呢間。叫左個set dinner ，138已經包左餐湯沙律飲品，加錢可以轉特飲，西班牙黑毛豬燒到7成熟，入口都幾juicy，加左蘋果醬酸酸甜甜幾開胃。美式豬肋骨同平時食開唔一樣，勁大條又厚肉，食肉獸最愛。珍寶雜錦薄餅材料都幾豐富好多芝士，餅底係近似餅乾底，幾脆口幾好食。炸蕃薯條炸得好脆，甜甜地好正呀。3個人埋單590，除開都唔洗200一位，算幾抵食嘅。