半島酒店大堂茶座

Open Now

Now Closed

難得屋企人話約食tea，仲要食半島，就當然即刻應成啦😍。當日2點半就已經到左，但都要等左15分鐘先坐得低，坐低左一陣就開始見到多左人排隊，認真咁講，食tea一般都會傾計慢慢食，仲要都幾多外國人飲酒慢慢歎，睇怕都要等番啲啲時間。環境就咁入去睇落都好grand嘅，樓底好高裝修好靚，但因為餐廳就係半島大堂，多人出出入入，加埋個live band，相對黎講就有啲嘈......☹️坐低無耐我地就叫左下午茶三層架食，因為都食左午餐，我地4個人決定叫個2人set就夠哂，再加左兩杯野飲🤭。話咁快就上左個靚靚三層架，就咁望其實唔算好精緻，咸點都係三文治同火腿咁，比較之下甜品就算係出色啲，講到最好味我覺得一定係個scone,好香同好鬆軟，牛油味都好香，而且個cream都好滑🤤🤤🤤最後食到咁上下就上野飲，我地分別叫左earl grey tea同埋熱咖啡，啲茶好滑好香，一啲都唔澀。咖啡味道都唔錯，唯一失色嘅係跟咖啡上啲奶係凍嘅，一勘落去就成杯凍左，即刻失色左。整體黎講，我覺得都係值得一試嘅，但如果問到我係咁特別推薦大家試嘅話，我都覺得一般般啦。