WIRED green (Closed)

一個人的晚餐，走左入K11 地庫一間日本餐。點左個吉列黑豚定食$16x + 冰梅酒$5x先講梅酒，落單後5分鐘送上，好高效率。質量都係一般貨仔，無特別吉豬到喇第一眼⋯點解咁黑嘅。我點黑豚姐，唔使炸到咁黑比我喎。成塊豚肉仲細過隻手掌。咁都唔係一個問題。最重要係佢皮肉分離好好地，點解要拆散佢地！個皮雖然黑，但味道唔錯嘅。個肉呢⋯好'鞋'，其中一邊仲有成寸厚肥膏。定食仲有2碟前菜，一碟唔知係芋頭粒定咩，淨係食到啲汁好甜。另一碟有菇、貢菜嘅醃漬，都幾好食。碗飯幾香，又煮得唔錯麵豉湯唔會太咸，食幾啖飯，飲啖湯，感覺唔錯。