Video
Read full review
2022-12-25
836 views
話說啊鼠同友人都係炸物愛好者，所以肯定唔會放過呢間咁多人介紹既炸豬排店🐖🐖第一次食既時候我同朋友都覺得唔錯，所以半個月後我就帶左自己屋企人去食，結果就令我大失所望🤯秘制豬排配胡椒豬骨湯米線 （3/10）第一次食既時候覺得雖然湯頭比較清淡，但係清爽既黑胡椒加上微微既豬骨香令人食慾大增👾不過唔知係咪因為啊鼠比較大胃，個碗米線既份量少到係筷子一夾就差唔多無曬，好似係和尚頭頂搵頭髮咁🧑🏻🦲但豬排的確非常大塊，又香又脆，而且唔會好似一般炸豬排咁韌，肉質細嫩。只可惜第二次再訪湯底味道非常奇怪，完全同第一次唔同🤮雖然第二次我地走左蔥，但係個味道係詭異到唔合符邏輯思維。首先係完全無咸味，然後仲有少少怪味，而更多係好似用滾水煮完米線既個陣米味🫠🫠豬排質素亦都係下降，雖然份量多，但係炸粉厚左，肉亦都無第一次咁嫩。秘制豬排配咖喱汁 撈粗麵 （5/10）個咖喱汁都尚算惹味但係偏油膩，因為聽聞呢個撈麵都唔錯，所以第二次抱住期待一試。撈粗麵非常普通，只有最基本既醬油味，炸蒜亦都懷疑係無炸透或者唔夠火候，唔夠香脆。整體非常一般😵💫麻辣炸魚蛋 （4/10）炸魚蛋本身一般，但呢4分已經係俾足面個魚蛋😀因為麻辣醬簡直
秘制豬排配胡椒豬骨湯米線 （3/10）
第一次食既時候覺得雖然湯頭比較清淡，但係清爽既黑胡椒加上微微既豬骨香令人食慾大增👾不過唔知係咪因為啊鼠比較大胃，個碗米線既份量少到係筷子一夾就差唔多無曬，好似係和尚頭頂搵頭髮咁🧑🏻🦲但豬排的確非常大塊，又香又脆，而且唔會好似一般炸豬排咁韌，肉質細嫩。
只可惜第二次再訪湯底味道非常奇怪，完全同第一次唔同🤮雖然第二次我地走左蔥，但係個味道係詭異到唔合符邏輯思維。首先係完全無咸味，然後仲有少少怪味，而更多係好似用滾水煮完米線既個陣米味🫠🫠豬排質素亦都係下降，雖然份量多，但係炸粉厚左，肉亦都無第一次咁嫩。
秘制豬排配咖喱汁 撈粗麵 （5/10）
個咖喱汁都尚算惹味但係偏油膩，因為聽聞呢個撈麵都唔錯，所以第二次抱住期待一試。撈粗麵非常普通，只有最基本既醬油味，炸蒜亦都懷疑係無炸透或者唔夠火候，唔夠香脆。整體非常一般😵💫
麻辣炸魚蛋 （4/10）
炸魚蛋本身一般，但呢4分已經係俾足面個魚蛋😀因為麻辣醬簡直鹹到我屋企人攞左黎撈唔夠味既撈麵。
鹵水豬耳 （6/10）
成間鋪我比得最高分但因為最後先上所以唔記得影相既豬耳。味道可以，甜甜既鹵水味。不過豬耳係軟淋淋個種，如果喜歡爽口個種就無需嘗試。
希望我第二次去只係咁岩失準，不過因為舖頭地段其實唔太方便，地方位置亦都淺窄，所以如無意外唔會有下次。
炊豕店
銅鑼灣加路連山道11號
#foodie #hkfoodie #銅鑼灣美食 #香港美食 #hkfood #hkeat #hkcafe #銅鑼灣 #炸豬排 #打卡 #打卡餐廳 #food #香港美食 #hkmouse銅鑼灣
Post