椰林閣餐廳 (Closed)

星期日晚，哥哥約食飯，簡咗小西灣椰林櫊。去之前，上 open rice 睇吓食評先。嘩！好唔惦喎！食評好差喎！之不過我哋尊重大佬嘅選擇，無轉地點。我哋早到，見餐廳內大約有一半吉枱，此外，收銀處有兩【幢】外賣等人攞。門口放咗外賣紙，望吓先，$36 蚊一個飯，價錢okay喎！入去坐下來。見到墊枱紙寫【因為環保，唔會有清水供應，除非客人要求】但我抬頭一望，水吧擺放了數十杯涼開水。心想，如果無客人要求清水，打烊後，啲水會點處置？留番聽日用？啲水會唔會係上個星期准備定？點咗軟殼蟹牛柳，拿破崙蝦仁雜腸炒飯，牛肋骨德國腸，同三文魚羊扒。軟殼蟹牛柳份量夠，牛柳又淋又滑。拿破崙蝦仁雜腸炒飯好大碟，又好味。其餘兩樣份量夠，不過冇試到。總括而言，份量夠，味道好。