天龍咖喱

Open Now

Now Closed

食過公司附近幾間茶仔的咖哩都不太合口味，是晚又想食咖哩，就去返天龍咖哩，自己都係鍾意呢間味道🤤八點來到雖然唔使排隊，但都係得返最後一張枱，幾好彩唔使等，快快落單先。⭐咖哩牛腩牛筋飯自己就點左牛筋腩飯加辣，牛腩炆得軟腍，牛筋滑嘟嘟入晒味，咖哩香口又足料，加辣嘅辣度啱我口味，勁好食😍⭐咖哩吉列魚柳飯家人要左炸魚柳，即叫即炸香噴噴，仲要超大塊，有成隻碟咁長🤤家人要左正常辣，好食都一滴咖哩汁都無淨。⭐香酥雞口痕又加左碟小食炸雞粒，鍾意佢夠香脆，一粒一口方便食，上面灑左辣辣地嘅調味粉好惹味。⭐凍鴛鴦 & ⭐話梅可樂食辣野要飲凍飲，爽🤤多左新小食喎，下次試下先。