水門雞飯 (百宜樓) (Closed)

好耐冇出街食過野啦真喺好耐都未出去行過街啦😩，最近好多鋪頭都選擇關門，真係想食嘢都難啊😕😕。經過尖沙咀，見到間食水門雞既餐廳，裡面好多人都食緊，應該都唔錯，所以就選擇入去試試佢。*餐廳啲牆都刻左應該係泰文嘅字眼，至於內容係啲咩就唔多清楚啦😂😂整體黎講環境都幾乾淨，坐落都舒服嘅。之後我同個朋友叫左雙拼水門雞飯、鮮蝦冬陰功炒金粉同秘汁泰式生蝦🦐🦐。*雙拼水門雞飯會送冬瓜湯😧😧，個湯會有少少辣，雞飯方面有炸同唔炸兩種口味，炸雞方面唔會好大舊，一啖就食到落口，原味嘅雞就相當滑，啲皮唔會太多同太厚，所以總結黎講係唔錯！*鮮蝦冬陰功炒金粉方面，唔算好大碟，但係黎到嘅時候好香，由於顏色方面有啲紅，所以都知有一定嘅辣度，本人黎講係接受到嘅，蝦都入到味同大隻😋😋*食完啲熟食之後，就叫埋個秘汁泰式生蝦，配埋自己整嘅醬汁，帶點酸同辣味，相當開胃，建議可以食左呢樣先再食其他👍🏻。*整體黎講，呢間水門雞餐廳價錢算平民價，質素都唔錯，可以下次再食多次。