康瑞涼茶 (Closed)

之前係台灣第一次接觸仙草，貌似涼粉，以糖水形式溝芋圓一齊食。據說可以清涼退火丶生津解渴，所以係台灣掃完夜市食左咁多煎炸野，想下火食佢最好不過。依家係香港都可以食到佢，今次介紹嘅係位於深水埗嘅康瑞甜品。主打仙草丶芋圓嘅中式糖水。不過我本身唔太好涼粉類型嘅食物，所以我今次冇叫仙草系列，而點左分椰汁西米露同椰奶紅豆沙，兩碗都係配芋圓丶地瓜圓丶小丸子。芋圓即係淺紫色丶地瓜圓即係橙橙地色，其實食落去冇乜味，唔會食得出有香芋同地瓜嘅味，口感煙韌，有咬口。椰汁西米露淡味左D，椰奶紅豆沙椰奶則幾香，不過食完椰奶紅豆沙再食椰汁西米露，會覺得椰汁西米露更淡味。環境氣氛： ★★★☆☆食物質素： ★★★☆☆服務態度： ★★★☆☆