Video
Read full review
2009-03-11
3 views
呢幾年都好少食雞蛋仔, 來來去去都係食灣仔個間 (因為番工係個度), 其實我有時唔係好明, 係唔係一大堆排隊, 唔理好唔好食, 都照樣去排。 灣仔修頓球場個間係好食o既, 因為佢係即整的, d蛋漿又香, 而且食落去又脆, 味覺真係一流的, 但唔知點解好吃還好吃, 總係欠缺了一種感覺.. 直至吃了牛下的, 就知道原來係呢種感覺。小弟係九龍人 (正確係將軍澳, 新界仔), 所以對對面海o既食物一向都唔係好熟悉, 反而九龍新界o既食物, 小弟係比較喜歡的。 其實九龍同新界o既食物, 好多時都有一種味 - 公屋味。我好難解釋咩叫公屋味, 只係住係公屋o既人先會知道個種係咩味, 無住過o既, 小弟真係要說聲抱歉。 牛下o既雞蛋仔其實之前真係無試過 (即使咁多年成日經過都無試), 所以佢臨別秋波時, 我竟然係第一次黎食, 好似有點兒那個.. 我唔知道係唔係因為呢度太多人講呢間野, 而令佢一夜成名, 又或者係累積左咁多年o既熟客令佢咁出名。 但佢真係我咁多年以來食o既雞蛋仔中, 最好食的一個。我唔知道各位第一次食雞蛋仔係咩時候, 我第一次食雞蛋仔係係睇戲前d小販到買的, 個時o既雞蛋仔係好香, 但唔
小弟係九龍人 (正確係將軍澳, 新界仔), 所以對對面海o既食物一向都唔係好熟悉, 反而九龍新界o既食物, 小弟係比較喜歡的。 其實九龍同新界o既食物, 好多時都有一種味 - 公屋味。我好難解釋咩叫公屋味, 只係住係公屋o既人先會知道個種係咩味, 無住過o既, 小弟真係要說聲抱歉。
牛下o既雞蛋仔其實之前真係無試過 (即使咁多年成日經過都無試), 所以佢臨別秋波時, 我竟然係第一次黎食, 好似有點兒那個.. 我唔知道係唔係因為呢度太多人講呢間野, 而令佢一夜成名, 又或者係累積左咁多年o既熟客令佢咁出名。 但佢真係我咁多年以來食o既雞蛋仔中, 最好食的一個。
我唔知道各位第一次食雞蛋仔係咩時候, 我第一次食雞蛋仔係係睇戲前d小販到買的, 個時o既雞蛋仔係好香, 但唔係脆! 其實九龍呢邊o既雞蛋仔好多都唔脆的, 但係一定係好好食的。 但大個左, 完全無呢種「厚切」雞蛋仔, 食o既入面都係一陣空氣o既「薄片」雞蛋仔。 厚切最大分別, 你係可以將隻雞蛋仔塞係個口好耐佢都唔會溶同林的 (因為本身佢已經係軟身的了), 同埋會食到一層層好香o既蛋黃味。牛下呢間絕對做到, 呢d係正正宗宗o既屋村雞蛋仔, 同對面海o既富豪雞蛋仔係另一回事來。 話明係炭爐, 你唔可能做到完全無焦的, 但亦因為呢d焦先令我食得出佢o既好味之處。 細個阿媽阿爸見到呢d焦位, 會立刻唔比我食, 但其實最好吃o既地方就係個個焦位.. 而最令我覺得開心之處, 就係佢係大大粒的, 唔係其他的珍珠版, 咬落去係食番70-80年代個種感覺, 頓時變成了一個小學生那樣。 如果旁邊有一枝樽裝媽媽奶, 簡直Excellent..!!
太高評分了, 但只係10蚊底, 係80年代末價錢, 質素卻是70年代的! 絕對值得一試。
Post